coda (الموسيقى والبحر)
في افلام بتاخدك رحلتها في المؤثرات البصرية وافلام في حبكة القصة وافلام بالاكشن بتاعها وافلام بكوميديتها لكن فيلم coda
هياخدك في رحلته سبب دفيانه وعواطفه ومشاعر العيلة ..
ساعتين من الموسيقى والدفء والمشاكل الاسرية وكوميديا عائلية ومواقف بتتأثر بيها وبأفرادها وحب والحزن والدعم والنفور والتعاطف, حياه كامله مع اسرة روبي.
روبي البنت الاصغر لعيلة روسي المكونة من اب وام واخ اكبر كلهم مصابين بالصم ماعدا هى فبتكون هى بوابتهم للتعامل مع البشر وخاصة انهم بيشتغلوا في مجال الصيد
روبي عانت من الوحده والتنمر بسبب ظروف وطبائع اسرتها لكن قررت تواجه خوفها لما دخلت اختبارات الغناء وبرغم ان الامور في الاول مكنتش على اعظم ما يرام بس قدرت تتخطى واحده واحده مع مساعدتها لاسرتها في شغلهم وخاصة لما حصل لهم تعثر مادي بسبب السياسات المالية الخاصة بالبلدة التابعين لها
مع مرور الوقت حلمها بيكبر وشغل عائلتها بيكبر وبيحصل مواقف يخليها مجبرة تختار بين حلمها وعائلتها.......
______________
جو من البساطة وعدم التعقيد وان لسا الاعمال السينمائية التي تعتمد على عنصر الشغف وقيمة الانسان مش التطور التكنولوجي او اكشن مبهر او عالم فانتازي خيالي بتقدم لنا المخرجة شين هيدر تحفة انسانية تفضل محفور في قلبك وعقلك
تعليقات
إرسال تعليق