البيت بيتي
البيت بيتي (حبكة مستهلكة بتفاصيل جديده)
اذ بصينا في اكتر الاعمال اللي بقت جزء من يومنا حتى اذ قدمت هتلاقيها مفهاش حبكة جت لاول مره
مثال ع دا
ليالي الحلمية - عيلة الحاج متولي - لن اعيش في جلباب ابي - زنزانيا - سابع جار - يتربى في عزو - عباس الابيض
عظمة الاعمال دي وخلودها مش في الحبكة بل في التناول للتفاصيل وطريقة السرد واداءات تمثيل غير مفتعلة
واعتقد ان كل المقومات دي متوفرة في البيت بيتي عشان كده قدر ياخد حيز من يومنا
خلينا الاول نكلم عن تيمة العمل كوميدي رعب
بالنظر للعمل هتلاقي حقق الحد الاقصى من غير افتعال في كوميديا ناتجة عن القاء افيه بشكل لذيذ مش محاولة استخفاف دم من الممثل او خلق موقف ملوش اساس في القصة بس عشان يرمي الافيه انما في الرعب فكان وافي اوي في خضة المشاهد دون توصليك لمرحلة الرعب انك تقفل العمل
سيناريو وحوار واخراج
بالنسبة ل3 عناصر دول فالملاحظ اننا قدام ورق مكتوب بيخدم ع كوميديا مش العكس فشوفنا قصة شبه محكمة حتى الاسئلة المتاحه لسا تقدر ترد وتقول م لسا جزء تاني
كل دا كان بيحكمه مخرج قدر يستخدم الصور لاضافة عنصر التشويق مش مجرد انك تترعب وبكلامنا ع المخرج لازم ننتقل ل اداءات التمثيل
اداءات التمثيل
احساس ان كل ممثل كان جاي البلاتوه وهو عاوز يمثل ومزاجه رايق وواكل كويس وشارب شاي بلبن ومتكيف فنقلوا كل دا ليك بدون افوره
حتى ضيوف الشرف كانوا عاملين زي المكعب اللي بيكمل الحته الناقصة مش مجرد حشو
حلاوة البيت بيتي ف بساطته حتى ف الكوميديا
تعليقات
إرسال تعليق