كل شيء عفوي
كل شيء عفوي (وش وضهر)
السباحة ضد التيار مش محتاجه انك تجيب فكرة محدش هعملها وتحاول تقدمها بل يكفي انك تنزل الشارع وتطرح قضية من قضايا اللي فيه بطريقة متماسكة
وعشان تتكلم عن قضايا الشارع مفيش انسب من مريم نعوم وورشتها للقيام بالمهمه دي ف احنا قدام سيناريو وحوار متماسك عفوي سلس طازج ومناسب للاحداث والزمن والطبقة الاجتماعية مع تفاصيل بتدي المسلسل مذاق خاص
كل دا تحت قيادة مريم نعوم اللي قدرت تخلي كل حد يخرج في افضل صورة له من اول
اياد نصار وريهام عبد الغفور بيجسدوا شخصيتان الاول منتحل طبيب بشري وريهام عبد الغفور ممرضة وراقصة لغاية م يجمعوا القدر في طريق واحد
مرورا ب ثراء جبيل واسلام ابراهيم
حبيت اوي الاتنين شغلهم ع نفسهم واختلافات ادائهم من عمل لعمل لدرجة انك تحس ان كل عمل انت امام انسان مختلف
ميمي جمال ومحسن منصور
من كتر واقعيتهم وانهم حقيقين مستحيل متقولش انك مشوفتش الكاريكتارين دول في حياتك
والصراحه هيبقى اجحاف لو متكلمتش عن الاستايلست ريم العدل وابداعها في اختيار ملابس كل شخصيه
اتفرجوا ع وش وضهر لانه عفوي واحنا مفتقدين النوعيه دي
تعليقات
إرسال تعليق